Hər iki qonaq aşağıdakı suallara öz münasibətini bildirdi:

• İctimai şüurda neft amilinin hansı səviyyədə olması,
• Azərbaycanın ictimai-siyasi tarixində neft amili:Azərbaycanın neft gəlirlərinə malik olması dövlətçiliyə və demokratiyanın inkişafına necə təsir göstərir?
• İşğal olunmuş torpaqlarımızın –Qarabağın azad olunmasında neft nə kimi dəstək ola bilər?
• Erməni siyasətçilərinin”Azərbaycanın neft gəlirləri artdıqca Qarabağ probleminin həlli istiqamətində hərb yolundan istifadə etməsi səyi də artir” ehtimalına münasibət,
• Azərbaycan ordusuna ayrılan xərclərin Ermənistanın dövlət büdcəsindən artıq olması kimi faktı qeyri-hökumət təşkilatı olaraq ideoloji savaşda bir vasitə kimi istifadə edirsinizmi və qeyri-hökumət təşkilatları bu yöndə hansı işləri görür?
• Ermənistanın Rusiya tərəfindən dəstəklənməsi,onu silah anbarına çevirməsi heç kəsə sirr deyil.Problemlərin həlli istiqamətində təkcə hökumət deyil,QHT-lər də çalışmalıdır.İşğal göz qabağındadır.Əsas səyi, enerjini bu istiqamətdə yönəltmək nə dərəcədə effekt verər?

Qonaqların ictimai şüurda neft amilinin səviyyəsi məsələsində fikirləri üst-üstə düşmədi.Mehriban Vəzir iddia etdi ki, neft amili ictimai şüurda oturuşmayıb.Neftin çıxarılmasının 150 ilini götürək:neft maqnatları olub-Muxtarov,Tağıyev... Xalq hesab edib ki, neft onlarındır.Sovetlər dövründə daşıyıb aparıblar.Təkcə Cümhuriyyət dövründə müəyyən qanunlar qəbul olunub.İndi də vətəndaşımız hesab etmir ki, neft gəlirləri həm də onundur.Biz sorğular keçiririk və görürük ki, vətəndaşlarımız neft gəlirlərindən ərazi bütövlüyümüzü, yoxsulluğun və işsizliyin aradan qaldırılmasını istəyirlər.

Düşünürəm ki, neft gəlirləri bu yöndə xərclənməlidir:ərazi bütövlüyümüzün təmin edilməsi-uzun illərdir bunun nəticəsi yoxdur,yoxsulluğun aradan qaldırılması-sorğular aparanda görürük ki, bir qadına uşaq böyütdüyü üçün verilən müavinətlər çox cüzidir: ona nə ayaqqabı, nə də paltar ala bilir və işsizliyin aradan qaldırılması yönündə.

Nazim Məmmədov onunla razılaşmadı: Azərbaycanın davamlı inkişafı haqqında 2003-cü ildən bəri 36 dövlət proqramı qəbul olunub: “Dovlət proqramları 2003-2015-ci illər üçün nəzərdə tutulub.Alternativ və bərpaolunan enerji mənbələrinin istifadəsinə dair, yanacaq-enerji kompleks inkişafı üçün, vergi inzibatçılığının yüksəldilməsi üçün və s.Təəssüf edirəm ki, Siz bu proqramları elə qiymətləndirirsiz ki,burada korrupsiya, rüşvətxorluq var. Mən demirəm ki, hansı səviyyədəsə yeyinti yoxdur.Pul xərclənən yerdə maliyyə pozuntusu ola bilər.Əmin edirəm ki, Dövlət büdcəsinə nəzarət edən MM-dir.MM-in hesablama palatası var və HP öz rəyində QHT-lərdən də daha ciddi faktlar ortaya qoyur, harda maliyyə pozuntuları varsa, qarşısı alınır.Mən Sizi də dəvət edirəm gəlin, maraqlanın”.

Daha sonra hər iki qonaq digər sualları cavablandırmışlar.