Tədbiri giriş sözü ilə Əsgər Əhməd açaraq qısa tanışlıq və tədbirin mahiyyəti, eləcədə, MSŞT- nin mahiyyəti, onun başlıca prinsipləri və fəlsəfəsi haqqında, MSŞA - Koalisiyasının yaranması və fəaliyyəti haqqıda iştirakçılara məlumat verdikdən sonra sözü məruzəçi Zöhrab İsmayılova verdi. Məruzəçi öz çıxışında Azərbaycanın neft hasilatını təhlil edərək bildirdi ki, 2010-cu ildən sonar hasilat yavaş-yavaş azalaraq 2023-cü ildə 2003 –cü il səviyyəsində olacaq. Təbii ki, hasilatın azalması neft gəlirlərinin də tədricən azalamasına gətirib çıxaracaq. O, bu azalmanın iqtisadi kataklizmalara gətirib çıxarmaması üçün indidən neft gəlirlərindən səmərəli istifadə olunmasının əhəmiyyətini vurğuladı. Daha sonra Zöhrab İsmayılov bildirdi ki, bu gün Azərbaycanda əsas problem neft gəlirlərinin xərcləmələri ilə bağlıdır. Bu ilki büdcəyə əsasən bu gəlirlərin hara və necə xərclənməsi haqqında geniş məlumat verən məruzəçi Ölkənin gələcək inkişafı ilə bağlı prioritet istiqamətlərdən danışaraq gəlirlərin bu istiqamətlərə yönəldilməsinin əhəmiyyətini xüsusi vurğuladı. Neft gəlirlərindən səmərəli istifadəni tənzimləyən və neftlə bağlı digər məsələləri də özündə ehtiva edən neft qanunun və neft strategiyasının hazırlanmasının xüsusi əhəmiyyəti olduğunu bildirdi.

Tədbirin istirakçilarının çıxışlarında məlum oldu ki, Balakənlilərin neft gəlirləri haqqında məlumatları var. Rayon neft gəlirlərindən bəhrələnib. Xəstəxana, məktəb tikilib, park salınıb və turizmin inkisafına vəsait ayrılıb.

İştirakçiları en çox maraqlandıran məsələ təhsilə və fermer təsərrüfatına diqqətin dahda artırılmasıdır.

Eyni zamanda vətəndaşlar neft gəlirləri ilə baglı gədən prosseslərə seyirçi kimi baxır və prosseslərə təsir imkanlarının olmadığını bildirdilər.